ਸਟੇਟ ਬਾਰ ਕੌਸ਼ਲ ਵਿੱਚ ਰਜਿਸਟ੍ਰੇਸ਼ਨ ਕਰਨ ਤੋਂ ਬਾਅਦ ਸਿਰਫ ਦੋ ਸਾਲ ਲਈ ਹੀ ਸਰਟੀਫਿਕੇਟ ਆਫ ਰਜਿਸਟ੍ਰੇਸ਼ਨ ਜਾਰੀ ਕੀਤਾ ਜਾਂਦਾਂ ਹੈ ਤੇ ਇਹਨਾਂ ਦੋ ਸਾਲਾਂ ਵਿੱਚ ਬਾਰ ਕੌਸ਼ਲ ਆਫ ਇੰਡੀਆ ਦੁਆਰਾ ਸੰਚਾਲਤ “ ਆਲ ਇੰਡੀਆ ਬਾਰ ਐਗਜਾਮ ” ਪਾਸ ਕਰਨਾ ਲਾਜਮੀ ਹੈ ਜੇਕਰ ਕੋਈ ਐਡਵੋਕੇਟ ਇਹ ਪ੍ਰਖਿਆ ਨਿਰਧਾਰਤ ਸਮੇਂ ਵਿੱਚ ਪਾਸ ਨਹੀਂ ਕਰ ਸਕਦਾ ਤਾਂ ਉਹ ਕਿਸੇ ਵੀ ਕੋਰਟ ਵਿੱਟ ਪ੍ਰੈਕਟਿਸ ਕਰਨ ਲਈ ਤਦ ਤੱਕ ਅਯੋਗ ਕਰਾਰ ਦਿੱਤਾ ਜਾਂਦਾਂ ਹੈ ਜਦੋ ਤੱਕ ਉਹ ਇਹ ਇਮਤਿਹਾਨ ਪਾਸ ਨਹੀਂ ਕਰ ਲੈਂਦਾਂ,ਇਹ ਇਮਤਿਹਾਨ ਆਮ ਤੌਰ ਤੇ ਸਾਲ ਵਿੱਚ ਦੋ ਵਾਰ ਆਯੋਜਤ ਕੀਤਾ ਜਾਂਦਾਂ ਹੈ ਪਰ ਕਰੋਨਾ ਕਾਲ ਸਮੇਂ ਇਹ ਇਮਤਿਹਾਨ ਦਸੰਬਰ 2021 ਵਿੱਚ ਲਿਆ ਗਿਆ ਤੇ ਇਸਦਾ ਨਤੀਜਾ 3 ਫਰਵਰੀ 2022 ਨੂੰ ਘੋਸ਼ਿਤ ਕੀਤਾ ਗਿਆ , ਜੋ ਕਿ ਮੈਂ ਪਹਿਲੇ ਹੀ ਵਾਰ ਬਹੁਤ ਅਸਾਨੀ ਨਾਲ ਪਾਸ ਕਰ ਲਿਆ ਤੇ ਮੇਰੇ ਜਿਆਦਾਤਰ ਵਕੀਲ ਦੋਸਤਾ ਨੇ ਵੀ ਇਹ ਪਾਸ ਕਰ ਲਿਆ । ਇਹ ਬਾਰ ਐਗਜਾਮ ਪਾਸ ਕਰਨ ਤੇ ਸਰਟੀਫਿਕੇਟ ਆਫ ਪ੍ਰੈਕਟਿਸ ਜਾਰੀ ਕੀਤਾ ਜਾਂਦਾ ਹੈ ਜਿਸ ਉਪਰ ਰਜਿਸ਼ਟ੍ਰਡ ਵਕੀਲ ਸਾਹਿਬ ਦੀ ਫੋਟੋ ਤੇ ਪਾਸ ਕਰਨ ਦਾ ਰੋਲ ਨੰਬਰ ਸਾਲ ਆਦਿ ਹੁਦਾ ਹੈ ਜਿਵੇਂ ਕਿ ਤੁਸੀ ਹੇਠ ਵਿਖਾਈ ਤਸਵੀਰ ਵਿੱਚ ਵੇਖ ਰਹੋ ਹੋ। ਇਹ ਇੱਕ ਓਪਨ ਬੁੱਕ ਐਗਜਾਮ ਹੁੰਦਾ ਹੈ ਜਿਸ ਵਿੱਚ ਵਿਦਿਆਰਥੀ ਸਬੰਧਤ ਬੇਅਰ ਐਕਟ ਲੈ ਕੇ ਜਾ ਸਕਦੇ ਹਨ ਜਿਸਨੇ ਵੀ ਐਲ.ਐਲ.ਬੀ. ਦੀ ਡਿਗਰੀ ਥੋੜ੍ਹਾ ਧਿਆਨ ਨਾਲ ਪੜ੍ਹ ਕੇ ਕੀਤੀ ਹੁੰਦੀ ਹੈ ਉਹ ਇਹ ਪ੍ਰੀਖਿਆ ਆਸਾਨੀ ਨਾਲ ਪਾਸ ਕਰ ਲੈਂਦੇਂ ਹਨ।2009-10 ਸ਼ੈਸ਼ਨ ਤੋਂ ਪਹਿਲਾ ਇਹ ਐਗਾਜਮ ਲਾਗੂ ਨਹੀ ਸੀ ਪਰ 2011 ਤੋ ਇਹ ਸ਼ੁਰੂ ਹੋਇਆ ਹੈ ਤੇ ਹੁਣ ਹਰ ਲਾ ਗ੍ਰੈਜੂਏਟ ਲਈ ਇਹ ਪਾਸ ਕਰਨਾ ਲਾਜਮੀ ਹੈ , ਸ਼ਾਇਦ ਲਾਅ ਕਾਲਜਾ ਤੇ ਕਾਨੂੰਨ ਸਿੱਖਿਆ ਦੀ ਬਹੁਤਾਤ ਕਾਰਨ ਇਹ ਲਾਜਮੀ ਕੀਤਾ ਹੈ ਤਾੰ ਕਿ ਕਾਨੂੰਨ ਦੀ ਸਿੱਖਿਆ ਦਾ ਮਿਆਰ ਕਾਇਮ ਰੱਖਿਆ ਜਾ ਸਕੇ ਜਿਵੇਂ ਕਿ ਐਜੂਕੇਸ਼ਨ ਕਾਲਜਾ ਦੀ ਬਹੁਤਾਤ ਕਾਰਨ ਟੀਚਰਜ਼ ਇਲੀਜੀਬਿਲਟੀ ਟੈਸਟ (ਟੀ.ਈ.ਟੀ.) ਲਾਗੂ ਹੋਏ ਹਨ।
Comments
Post a Comment